Ka dhënë dorëheqjen një nga krerët e Byrosë Federale të Hetimit, e njohur si FBI, pas polemikave në lidhje me një përplasje me Presidentin e SHBA-së, Donald Trump.
Superpolici Andrew McCabe, zv.drejtor i FBI-së, u përplas me Presidentin Trump pas largimit të drejtorit të FBI-së, James Comey, ku Shtëpia e Bardhë donte të merrte në dorë hetimet e Russia Gate.
Ky largim ka tronditur politikën në SHBA, por Sarah Huckabee Sanders, zëdhënësja e Shtëpisë së Bardhë deklaroi se Presidenca nuk ka lidhje në këtë vendim.
Vetë Trump në statuset e tij e kishte akuzuar McCabe se është e lidhur kokë e këmbë me Clinton.
Gazeta Washington Post publikoi një lajm, sipas të cilit Trump i kërkoi numrit dy të FBI-së se për kë do të votonte në zgjedhjet presidenciale në vitin 2016.
Demokratët akuzojnë Shtëpinë e Bardhë se kërkon të vërë dorë mbi FBI-në e cila është një agjenci që përgjithësisht është drejtuar nga një zyrtar jo pranë presidentit por propozim i opozitës.
Largimi i zyrtarit të lartë ka ndodhur një ditë para fjalimit vjetor të Donald Trump përpara Kongresit. /tesheshi.com/
