Një atak kardiak i ka marrë jetën në moshën 73-vjeçare Ymer Pampurit, legjendës e peshëngritjes shqiptare, njeriut që u shpall kampion olimpik në Olimpiadën e Mynihut, në vitin 1972.
Ai ishte 27-vjeç, kur si peshëngritës i “17 Nëntorit” të Tiranës theu në Gjermani rekordin olimpik të Yoshinobu Miyake të Japonisë në stilin e forcës. Gara u zhvillua më 29 gusht 1972 dhe Ymer Pampuri arriti të ngrinte 127,5 kilogram.
Veç medaljeve e titujve, i është akorduar edhe titulli “Mjeshtër i Madh i Punës”, si dhe urdhri “Naim Frashëri” i klasit të parë. Nga sporti u largua në vitin 1981.
Në historinë e sportit shqiptar, e në mënyrë të veçantë peshëngritjes, emri i tij përbën një simbol deri më tani të ngjashëm por jo të përsëritshëm në përmasat e tij. /tesheshi.com/
