Një familje është kthyer në shtëpinë e tyre në Kaliforni pas largimit nga zjarri i madh që i kishte përfshirë me shpresën se të paktën do gjenin qenin e tyre të gjallë.
Jack Weavers, 37 vjeç ishte kthyer në vreshtat e prindërve të tij pas dëmit të madh që kishte shkaktuar zjarri për të kërkuar Izzy-in, për të cilin supozonin se kishte ngordhur nga zjarri.
Mirëpo, kur ata afrohen afër vendbanimit të tyre, e shohin se ai është ende gjallë.
“Ishte një nga momentet më të bukura të jetës sime. Ai është një qen i guximshëm,” tha ai.
Gjatë largimit me furi për të shpëtuar në mes të natës, Weavers dhe shumë të tjerë u detyruan të lënë pas kafshët e tyre, sepse ata nuk mund të gjendeshin në ato momente ose nuk kishin kohë për t’i marrë ato.
Mijëra njerëz u evakuuan nga banesat e tyre pasi flakët e tërbuara përfshinë Kaliforninë dhe autoritetet thanë se ishte shumë e rrezikshme për të qëndruar në lagjet e djegura të Santa Rosa./tesheshi.com/
