Argjentina vijon të përjetojë një shock pas deklaratës së Lionel Messi-t për t’u tërhequr përfundimisht nga kombëtarja. Kjo është reflektuar në faktin se dhe vetë presidenti Mauricio Macri, i ka kërkuar personalisht që mos e bëjë një gjë të tillë.
“Presidenti e mori në telefon atë dhe i tha sesa krenar ndjehej për paraqitjen e skuadrës kombëtare, duke i kërkuar që të mos u kushtojë rëndësi kritikave”, deklaroi një zëdhënës i kreut të shtetit argjentinas, ndërkohë që postoi edhe në rrjetet sociale mbështetjen e tij për Messi-n.
“Nuk jam ndjerë kurrë më krenar për skuadrën tonë. Shpresoj që të vazhdoj të shoh futbollistin më të mirë në botë dhe për shumë vite të tjera me këtë fanelë”, shkruan ai në Teitter, duke e shoqëruar me hashtagun “Lio mos u largo!”.
Gjesti i Messit pason dhe atë të Ibrahimoviçit, që po ashtu deklaroi largimin përfundimtar nga kombëtarja suedeze. /tesheshi.com/
