Largimi i Assad-it jo më një përparësi për amerikanët

Ndryshe qëndrimit të administratës së shkuar amerikane, tani largimi i Bashar Assad-it, njeriut përgjegjës për gjakderdhjen në Siri, nuk është më përparësi për administratën e re.

Ambasadorja amerikane në OKB, Nikki Haley, u tha një ditë më parë gazetarëve se në vend të përqendrimit te Assad-i, Uashingtoni do të përqendrohej te puna me fuqi si Rusia dhje Turqia për të gjetur një marrëveshje politike.

Përparësia jonë nuk është më përqendrimi te largimi i Assad-it, do të nënvizonte ajo. Sekretari amerikan i Shtetit, Rex Tillerson, deklaroi gjithashtu po dje nga Turqia se pozita e kreut të regjimit sirian do të përcaktohej nga populli i Sirisë.

Opozita siriane e shprehu shpejt pakënaqësinë përmes një reagimi, ku kuptohej qartë se as e mendonte një zgjidhje të konfliktit me Assad-in.

“Opozita nuk do të pranojë kurrë asnjë rol për Bashar Assad-in në asnjë fazë,” qe përgjigjja e zëdhënësit të Komitetit të Lartë të Negociatave, Monzer Makhos. “Nuk ka për të patur asnjë ndryshim në qëndrimin tonë.” /tesheshi.com/