Shqipëria ka mbyllur ciklin e eliminatoreve për “Rusia 2018”, duke shënuar humbjen e dytë radhazi, atë me Italinë, në ndeshjen e fundit në grup. Rrjedhja e takimit ka qenë pothuajse e barabartë me një epërsi të lehtë të axurëve, të cilat shënuan vetëm një gol në pjesën e dytë me anë të Kandrevës.
Kështu, kuqezinjtë as që i janë afruar ëndrrës së Botërorit, pas pjesëmarrjes historike në Europianin e Francës.
Eliminatoret e Botërorit i nisi me një fitore, me Maqedoninë, por që më pas erdhën humbjet e njëpasnjëshme, ku goditja më e rëndë ishte humbja me Izraelin 3-0.
Por më pas, edhe fitorja më e bujshme në takimet e grupit, qe po me Izraelin, me të njëjtin rezultat, në Tel Aviv.
Gjithsesi, vendi i tretë, pozicioni ku renditet përfundimisht Shqipëria pas Spanjës dhe Italisë, është ngushëllues.
Eliminatoret e Botërorit sollën dhe ndryshimin e drejtimit të pankinës, ku Gianni de Biassi i la vendin një tjetër italiani, Cristiano Panuçit.
Tashmë priten eliminatoret e Europianit, për të parë nëse Shqipëria do e synojë sërish ëndrrën e saj për pjesëmarrje në kompeticionet e mëdha. /tesheshi.com/
