Bashkimi Europian i thotë lamtumirë “roaming”-ut, numërimi mbrapsht sapo ka nisur. Duke nisur nga e enjtja e 15 qershorit, falë rregullave të reja qytetarët evropianë nuk kanë pse të shqetësohen për tarifat roaming, kur udhëtojnë jashtë.
Ata mund të përdorin shërbimet mobile, veçanërisht internetin, pa u trembuar nga faturat e çmendura. Me pak fjalë, kjo do të thotë se planet tarifore, qoftë me kontratë apo me parapagesë, do të aplikohen kudo njësoj.
“Pas afro 10 vitesh, Bashkimi Evropian vendosi t’i jepte fund ‘ankthit roaming’ i cili ka torturuar qytetarët që nga fillimi i epokës mobile,” tha Zëvendës/Presidenti i Komisionit Evropian, Andrus Ansip.
Po cilat janë vendet ku do të paguhet njësoj?
Austria, Belgjika, Bullgaria, Qipro, Kroacia, Danimarkëa, Estonia, Finlanda, Franca, Gjermania, Greqa, Irlanda, Italia, Letonia, Lituania, Luksemburgu, Malta, Holanda, Polonia, Portugalia, Republikën Çeke, Rumania, Sllovakia, Sllovenia, Spanja, Suedia dhe Hungaria. Këto janë shtet ku plani tarifor kombëtar do të aplikohet njësoj për shtetasit europianë.
Suprizë e këtij grupi ishte edhe Mbretëria e Bashkuar, ku pavarësisht “Brexit”-it, do të paguhet njësoj, por gjithçka do të varet nga negociatat për daljen nga blloku europian.
Jashtë marrëveshjes mbeten vende që nuk janë bërë ende pjesë e BE-së, ku ndër to përfshihet dhe Shqipëria, tek të cilat shërbimi “roaming” do të vijojë të funksionojë. Ja çdo të thotë të ndodhesh ende jashtë BE-së. /tesheshi.com/
