Manchester United ka angazhuar punëtorë për të hequr posterët e mëdhenj të Cristiano Ronaldos nga Old Trafford, pasi portugezi sulmoi klubin ku u kthye vitin e kaluar në një intervistë me Piers Morgan.
“Manchester United më tradhtoi, ata panë një ‘dele të zezë’ te unë. Unë nuk kam respekt për Erik ten Haag sepse ai nuk ka respekt as për mua. Njerëzit duhet të dinë të vërtetën: United donte të më përjashtonte. Jo vetëm trajneri, por edhe njerëzit përreth klubit. U ndjeva i tradhtuar. Disa njerëz nuk më donin në Manchester United, jo vetëm këtë sezon, por edhe të kaluar”, tha Ronaldo dhe vazhdoi:
“Nuk ka pasur asnjë përparim që kur kam ardhur. Që nga largimi i Sir Alex, klubi nuk ka evoluar fare. Asgje nuk ka ndryshuar. Tifozët duhet të dinë të vërtetën. Unë dua më të mirën për klubin dhe kjo është arsyeja pse kam ardhur, por disa gjëra brenda klubit nuk e ndihmojnë atë të arrijë nivelin që janë City, Liverpool dhe tani Arsenali. Një klub si ky duhet të jetë në krye, por nuk është për momentin”.
🚨| A huge Cristiano Ronaldo mural has been removed from Old Trafford today. pic.twitter.com/R00S9lotxo
— Football Daily (@footballdaily) November 16, 2022
Pas deklaratave të tilla, United vendosi të heqë figurën e Ronaldos nga Old Trafford dhe Erik ten Haag dyshohet se e ka kryqëzuar duke mbyllur llogaritë me portugezin. Mediat angleze shkruajnë se portugezi do të largohet nga klubi tashmë këtë dimër dhe si destinacione të mundshme përmenden Bayern dhe Newcastle, raporton SC Sport. /tesheshi.com/
