Që kur Lionel Messi u largua nga Barcelona, tifozët e blaugranas kanë zhurmuar për rikthimin e tij dhe sipas informacioneve të fundit nga Argjentina, dëshirat e tyre mund të realizohen së shpejti.
Konkretisht, Messi ka hyrë në vitin e fundit të kontratës me PSG-në dhe mesa duket nuk do të nënshkruajë kontratë të re.
Gazetarja e njohur sportive nga Argjentina, Veronica Brunatti, pohon se Leo Messi po kthehet në vendin ku jetoi ditët e tij më të lavdishme dhe se nga 1 qershori do të jetë zyrtarisht lojtar i Barcelonës.
Duhet theksuar se Veronica dhe Messi njihen prej shumë vitesh dhe se deri më sot kanë bërë një numër të madh intervistash, ndaj spanjollët besojnë se ajo duhet të jenë një burim shumë i besueshëm.
Kjo do të thotë gjithashtu se Leo Messi mund të luajë i sigurt edhe për disa sezone të tjera, duke qenë se tashmë dihet se ai synon të përfundojë te Newell’s Old Boys, ku ka hedhur hapat e parë futbollistikë si fëmijë.
Në 16 vitet e tij në Barcelonë, Messi fitoi gjithçka që mundi duke shënuar 672 gola të pabesueshëm në 778 ndeshje të luajtura. Ai fitoi katër Champions League dhe madje gjashtë Topa të Artë, ndërsa të shtatën e fitoi si lojtar i PSG-së. /tesheshi.com/
