Një pjatë e aftë të absorbojë kaloritë e shumta të ushqimeve me yndyrë: quhet AbsorbPlate dhe është krijimi i fundit dietik i krijuar nga një kompani tajlandeze. “Sekreti” qëndron në vrimat e vogla që “thajnë” deri në 7 mililitra yndyrë, duke pretenduar kursimin e 30 kalorive në vakt.
Qëllimi është që të parandalojë shtimin e kilogramëve të tepërt në Tailandë, i cili është shndërruar në shtetin e dytë jug-perëndimor në Azi për nga numri i individëve obezë dhe mbipeshë.
Pjata e cila është krijuar nga BBDO Bangkok në bashkëpunim me ministrinë e Shëndetësisë tailandeze, nuk është hedhur endë në treg. Gjithsesi, sipas ideatorëve të AbsorbPlate, bëhet fjalë për një zgjidhje të pjesshme, pasi në ccdo rast i duhet kushtuar shumë rëndësi ushqimeve që konsumohen. /tesheshi.com/
