Ishte nata e tij. Gerard Pique luajti ndeshjen e tij të fundit në Camp Nou dhe, me siguri, ndeshjen e fundit të karrierës së tij të madhe me Barcelonën, i cili mposhti Almerian (2-0) dhe u ngjit në krye të La Ligës, në +2 nga Real Madrid.
Xavi zgjodhi “Gerry”-n si titullar dhe me të vërtetë miku i tij i mirë Sergio Busquets i dorëzoi me dashamirësi shiritin e kapitenit, për atë që mund të konsiderohet një formacion startues, madje edhe me Marcos Alonson përsëri në qendërmbrojtës.
Ndeshja e Barcelonës kundër Almerias ishte e fundit e Gerard Pique në Camp Nou, pasi mbrojtësi 35-vjeçar vendosi se ishte koha për t’u tërhequr. Gjatë zëvendësimit të tij u duartrokit nga rreth 92,000 tifozët e pranishëm në stadium dhe nga shokët e tij të skuadrës.
Një Pique i prekur dukshëm mori mikrofonin për të dërguar mesazhin e lamtumirës dhe shprehu edhe një herë dashurinë për ekipin e zemrës, duke theksuar se nuk është lamtumirë, pasi në një moment në të ardhmen do të kthehet.
Culers, us he de dir una cosa. pic.twitter.com/k3V919pm1T
— Gerard Piqué (@3gerardpique) November 3, 2022
“Së pari dua t’i falënderoj të gjithë. Të falënderoj tifozët, të falënderoj bashkëlojtarët e mi, të falënderoj stafin e trajnerëve dhe të gjithë të tjerët në klub.
Në jetë, kur rritesh, kupton se ndonjëherë duhet ta lësh një dashuri të shkojë. Nuk ishte kurrë një vendim i lehtë pas kaq shumë dashuri që gjeta te Barcelona, por ishte koha për t’u larguar.
E dua shumë Barçën dhe kjo është arsyeja pse mendoj se është koha e duhur për t’u larguar. Kjo nuk është lamtumirë. Jam i sigurt se do të jem sërish këtu në të ardhmen. Këtu kam lindur dhe këtu do të vdes. Rroftë Barcelona përgjithmonë”. /tesheshi.com/
