Sprinteri xhamajkan Asafa Powell festoi ditëlindjen e tij të 40-të të mërkurën dhe njoftoi fundin e karrierës së tij në një festë të përshtatshme.
Kjo nuk është befasi, si për shkak të moshës së tij, ashtu edhe për faktin se për herë të fundit ka konkurruar në maj të vitit të kaluar. Mirëpo, ai zyrtarisht vetëm këtë javë ka paralajmëruar tërheqjen nga sporti.
Powell është rekordmeni i fundit botëror në 100 metra para ardhjes së bashkatdhetarit të tij Usain Bolt në skenën e madhe. Në qershor 2005, ai uli rekordin botëror në 9.77 sekonda, dy vjet më vonë vrapoi 9.74 dhe ai rezultat pati statusin e më të mirëve në histori deri në maj 2008, kur Bolt vendosi të parin nga tre rekordet e tij botërore në 100 me 9.72. Powell do të mbahet mend gjithashtu si njeriu më i shpejtë në histori pa titull olimpik apo botëror në 100 metra.
Ai fitoi medaljen e artë olimpike dhe botërore vetëm në stafetë, si dhe ka dy medalje bronzi individuale në 100 m nga viti 2007 dhe 2009. Një rekord i rëndësishëm, megjithatë, është ende në posedim të Asafa-s. Në 97 gara në karrierën e tij, ai vrapoi njëqind nën dhjetë sekonda, më shumë se çdo atlet në histori. /tesheshi.com/
