Pas 24 vitesh, Zlatan Ibrahimović i dha fund karrierës së tij të pabesueshme, gjatë së cilës ai pati disa gola dhe lëvizje vërtet legjendare.
Nga viti 1999, kur ai luajti në Malmoe si 18-vjeçar, deri në vitin 2023, kur pati momentet e fundit në fushë si futbollist në Milano, Ibrahimoviç kënaqi audiencën në mbarë botën.
Mes këtyre dy klubeve, Zlatan luajti për Ajax, Juventus, Inter, Barcelona, Milan, PSG, Manchester United dhe LA Galaxy. Në total, ai shënoi 511 gola në 866 ndeshje në karrierën e tij. Për kombëtaren ky numër është 62 gola në 122 ndeshje.
Dashuria e tij më e madhe ishte Milani, ku karriera e tij u ndal. Sipas tij, atje është ndjerë më së miri dhe është i vetmi klub në të cilin është rikthyer. Aty ka festuar trofeun e fundit dhe nëse nuk do të kishte lëndime, sidomos një lëndim i rëndë në gju, është e vështirë të besohet se nuk do të kishte luajtur edhe një vit.
Përpos qëndrimit egoist jashtë fushës, Ibra popullor shquhej edhe për golat e tij magjikë.
Shijoni një përmbledhje të 30 golave të tij më të mirë në karrierën e tij 24-vjeçare, si një lloj lamtumire për një nga lojtarët më të mirë në botë. /tesheshi.com/
