Nga Blendi Gashi
As shiu që binte pandërprerë sot në Prishtinë nuk i pengoi mijëra qytetarë nga mbarë Kosova që të marrin pjesë në marshin protestues të organizuar pë nder të aktivist të Vetëvendosje-s Astrit Dehari i cili ndërroi jetë të shtunën në rrethana të paqarta në burgun e Prizrenit.
Marshi protestues nëpërmes së cilit kërkohej drejtësi për Astritin filloi para Fakultetit Filologjik dhe vazhdoi deri para Teatrit Kombëtar ku i vendosur ishte arkivoli i Astritit.
Arkivoli i mbuluar me flamur kombëtar, i rrethuar me lule dhe afër një fotografi e Astritit që shihet duke buzëqeshur, për më shumë se një orë qëndroi ë sheshin “Skënderbeu” ku mijëra njerëz shprehën ngushëllimet dhe dhimbjen me familjen Dehari.
Avni e Xhemile Dehari, prindërit e Astritit të ndjerë gjatë gjithë kohës qëndruan para arkivolit të birit të tyre, ndërsa anash tyre kryetari i VV-së Visar Ymeri, deputeti Albin Kurti si dhe kryetari i Prishtinës Shpend Ahmeti. Ky i fundit nuk mund të përmbahej dhe gjatë gjithë kohës qante, ashtu si edhe shumë qytetarë të tjerë.
Vërtet në sytë e Avni e Xhemile Deharit vërehej një dhibmje e madhe, tejet e madhe, por megjithatë ata qëndronin dhe përkujdesëshin që të pranojnë ngushëllimet e qytetarëve të shumtë.
Para arkivolit të Deharit, përveç qytetarëve homazhe bën edhe përfaqësues dhe deputet të Lëvizjesaktivist i së cilës ishte për shumë vjet, kryetari i Mitrovicës Agim Bahtiri, publicisti Veton Surroi si dhe shumë fytyra të njohura të artit e kulturës në vendin tonë.
Varrimi i Astrit Deharit është bërë sot në orën 14:00 në Zllatar të Prishtinës. Ai është varrosur pranë varrit të vëllait të tij Arbnorit i cili para dy vitesh ndërroj jetë.
26 vjeçari, student i Mjekësisë ka vdekur të shtunën në qendrën e paraburgimit në Prizren, ndërsa rezultatet e para të obduksionit tregojnë se ai ka vdekur nga asfiksia(mungesë e frymëmarrjes). /tesheshi.com/
