Ndërkohë që policia serbe dhe ajo e Kosovës po jep çdo ditë prova mbi implikimin e eksponentëve të nëntokës serbe në vrasjen e Oliver Ivanoviçit, Sputnik ja “kris” akuzës ndaj shqiptarëve.
Portali i Kremlinit, në një shkrim ku ka paraqitur një ushtar të Shqipërisë në dyert e Radio Televizionit Shqiptar në kohën e “qepës”, thekson jo vetëm faktin që kreun e serbëve të Mitrovicës e kanë vrarë shqiptarët, por gjen edhe “autorin”.
Sipas medias që i shërben interesave të Vladimir Putinit, “autorja” e vrasjes së Oliver Ivanoviçit është Lëvizja Vetëvendosje, pasi në një takim në Bruksel, ish-nënkryetarja e VV-së, Aida Dërguti e kishte cilësuar Ivanoviçin “një kriminel”.
Nenad Zoriç, në shkrimin e tij në Sputnik thekson se “qëllimi i shqiptarëve dhe SHBA me vrasjen e Ivanoviçit është që të largojë serbët nga veriu i Kosovës”.
Dushan Prorokoviç nga Qendra për Studime Strategjike, thekson për Sputnik se “vrasja e Oliver Ivanoviçit është një ultimatum që jepet nga amerikanët për të kthyer stabilitetin nëpërmjet njohjes së Kosovës nga ana e Serbisë, ndryshe Ballkani do të trazohet”. /tesheshi.com/
