Pasditja e kësaj të shtune ka rikthyer Bajernin e Mynihut në krye të Bundesligës. Fitorja e thellë e bavarezëve ndaj Volfsburgut dhe humbja e Lajpcigut ndaj Ingolstadtit ka sjellë shkëmbimin e vendeve në dy pozicionet e para. Me nga 33 pikë, kryesimi i përket Bajernit të Mynihut, me golavarazh më të mirë.
Bajerni fitoi 5-0 ndaj Volfsburgut në “Allianz Arena”. Golat nga Robben, Müller e Douglas Costa, si dhe një dygolësh nga i zakonshmi Lewandowski, u dhanë fitoren e thellë vendasve.
Ndryshe Bajernit, Lajpcigu pësoi humbjen e parë në 14 javë të kampionatit gjerman. Në transfertën ndaj Ingolstadtit, Lajpcigu humbi 1-0, me një gol të shënuar që në minutën e 12-të nga Roger.
Bajerni i Mynihut dhe Lajpcigu kanë nga dhjetë fitore, nga tre barazime e nga një humbje, por të parët kanë një golavarazh +25, kundrejt golavarazhit +17 të të dytëve.
Në një tjetër takim, Borusia e Dortmundit e shmangu humbjen në minutën e fundit në fushë kundërshtare ndaj Këlnit. Skuadra ku luan Mavraj kaloi në epërsi në minutën e 28-të; Reus barazoi në minutën e 90-të, pas një hapjeje të mbrojtjes kundërshtare. /tesheshi.com/
