Shpërthimi në orët e vona të mbrëmjes në Stamboll ka ndodhur pranë stadiumit të Beshiktashit, “Vodafone Arena”.
Pikërisht në këtë stadium është luajtur një takim i kampionatit turk, ai mes Beshiktashit dhe Bursasporit. Shpërthimi është kryer pasi janë shpërndarë tifozët e të dy skuadrave.
Bëhet fjalë për një makinë bombë, që ka patur si objektiv forcat e ndërhyrjes së shpejtë. 20 është numri i të plagosurve nga shpërthimi; të tërë ata u përkasin forcave policore.
Ka njoftime që flasin për dy shpërthime, por ende nuk është e qartë tërësisht kronologjia e ngjarjes.
E tërë zona është nën kontrollin e forcave të sigurisë; ambulanca dhe zjarrfikëse të shumta gjenden në vendin e ngjarjes.
Autorësia e shpërthimit mbetet ende e paditur. /tesheshi.com/
