Statistika të frikshme vijnë për Shqipërinë nga Organizata Botërore e Shëndetësisë, në lidhje me raportin e publikuar së fundmi për vdekshmërinë e grave si pasojë e ndërlikimeve shëndetësore, gjatë ose pas shtatzënisë është 29 në 100 mijë gra. Kjo është statistika zyrtare e raportit World Health Statistics (Statistikat Botërore të Shëndetësisë) për vitin 2016 të Organizatës Botërore të Shëndetësisë (OBSH)”.
Sipas raportit, renditja e Shqipërisë në rajon gjithashtu është nga më të këqijat, duke u renditur e 44-ta nga 49 vende të Evropës. Për sa i përket kësaj situate në vendin tonë nisur nga përkufizim i OBSH-së, arrihet në përfundimin se raporti i lartë në Shqipëri i vdekshmërisë së grave gjatë ose pas shtatzënisë vjen si një nivel i keq i jetesës (këtu përfshihet ushqyerja) si edhe mungesa e shërbimeve shëndetësore të mirëmenduara për të ndjekur e monitoruar shtatzëninë e një gruaje.
Statistikat që vijnë nga OBSH janë mjaft shqetësuese. Humbja e jetëve për shkak të mungesës së shërbimeve shëndetësore është një kambanë alarmi për institucionet përgjegjëse në vend. Nga ana tjetër, në raport flitej nivelin e keq të jetesës, ku njerëzit në vendin tonë vuajnë nga ushqyerja. E ndërsa jemi një vend që aspirojmë për tu futur në BE, në sytë e Evropës në lidhje me këto të dhëna jemi veçse barrë si një fëmijë qaraman që endet rrugëve të kryeqytetit tonë për të fituar kafshatën e gojës. /tesheshi.com/
