Të shkruash shqipe të pastër dhe pa gabime është kthyer në një sfidë të vërtetë për shumë politikanë sot, por kandidati socialist për kryetar bashkie në Kavajë mban rekord për “përdhosjen” e të ëmblës gjuhë tonën.
Në 4-5 fjali ai ka gabime në çdo fjalë dhe rrjeti po zien pas një postimi të tij në facebook.
Siç mund ta shihni në foto, Dorjan Murati nuk ka arritur të shkruajë asnjë fjalë sipas rregullave të gjuhës shqipe, të cilat mësohen që në shkollën fillore.
Ndjekësit e tij ishin të parët që e korrigjuan në faqen “Drejtimi i Duhur për Kavajën”, por kishte nga ata që e sulmuan duke e quajtur “analfabet” e “injorant”.
“Jepi drejtimin e duhur vetes dhe fillo të mësosh të shkruash gjuhën shqipe, pastaj merru me Kavajën”, i shkruan një komentues.
Kandidati është munduar të shfajësohet duke thënë se kishte emocione, por në fakt gabimet e tij janë logjike dhe jo emocionale pasi në vend të shkronjës “ll” ai përdor “dh” në të gjitha rastet.
Dhe për ironi fati kjo ndodh me një kandidat të Ramës, njeriun që e ka me merak shqipen, që mëton se e lëvron atë më bukur se çdokush dhe që i urren zyrtarët e shtetit që nuk dijnë ta shkruajnë atë, gjë që eka çuar të ndërmarrë dhe sanksione me gjoba. /tesheshi.com/
