Ministri i Jashtëm i Maqedonisë, Nikolla Dimitrov, tha se anëtarësimi i Kosovës në UNESCO është çështje me interes jo vetëm për ne, por edhe për Serbinë dhe gjithë Evropën.
Ai shtoi Maqedonia do të jetë e kujdesshme kur të vendos se si do të votojë.
“Maqedonia është një shoqëri multietnike dhe duhet të jemi të kujdesshëm kur të marrim vendime. Është e sigurt se çdo vendim do të jetë në interes të Maqedonisë”, theksoi Dimitrov.
Ministri maqedonas ka shtuar se arsyeja për të cilat Serbia tërhoqi diplomatët e vet nga Shkupi, nuk ka lidhje me qeverinë tonë.
Këto komente ai i bëri pas takimit me Ivica Daçiç, duke shtuar se rajoni duhet të ecë përpara.
Ndërkohë, ministri i Jashtëm i Serbisë tha se tashmë diplomatët serkë janë kthyer në Shkup dhe brenda 31 gushtit ambasadorja do të ketë një takim me kryeministrin Zaev. Gjithashtu ai shtoi se kryeministri maqedonas është i ftuar për një vizitë në Beograd. /tesheshi.com/
