Një lajm i mirë vjen nga Italia për 25 mijë të rinjë e të reja që punojnë çdo ditë në kompanitë Call Center. Ky fakt është konfirmuar nga ambasadori i Italisë, Alberto Cutillo, teksa mori pjesë në një aktivitet në Shkodër.
“Nuk ka asnjë rrezik për Call Center-at. Nuk do të ketë mbyllje të tyre, pra vendet e punës nuk janë të rrezikuara. Ligji i ri thjesht shtrëngon rregullat e aktivitetit”, është shprehur ambasadori.
Më 7 dhjetor senati italian votoi ndryshimet në ligjin për buxhetin e 2017-ës, pjesë e të cilit është edhe ai për ndryshimet në shërbimet call center.
Në të parashikohen sanksione të forta, por edhe heqje e avantazheve fiskale për ato kompani që nuk do të deklarojnë vendin e thirrjes, si dhe nuk do të mbrojnë të dhënat personale.
Në Shqipëri numërohen mbi 800 kompani call center dhe është sektori i katërt më i madh në vend, përsa i përket numrit të të punësuarve./tesheshi.com/
