HMD Global dhe Nokia po punojnë në versionin e ri të modelit të popullarizuar Nokia 3310, i cili ka debutuar gjatë panairit të sivjetëm MWC.
Versioni 3G i telefonit Nokia 3310 pritet që të dalë gjatë këtij viti dhe lajmi është bërë i ditur nga një operator irlandez.
Sipas informacioneve paraprake Nokia 3310 me lidhjen 3G tek operatori irlandez “Three Ireland” pritet të jetë i pranishëm në fund të shtatorit ose fillim të tetorit, ndërsa informacionet lidhur me çmimin nuk janë bërë të ditura.
Telefoni i njëjtë është vërejtur edhe në listën e Federal Communications Commission (FCC), gjë e cila sugjeron se ky model do të arrijë edhe në territoret tjera./tesheshi.com/
