Ministria ruse e Mbrojtjes ka njoftuar këtë të premte se po heton nëse nga një prej sulmeve ajrore të forcave të saj në Siri ka mbetur i vrarë udhëheqësi i ISIS-it, Ebu Bekr el-Bagdadi.
Dikasteri në fjalë thotë se el-Bagdadi mund të jetë vrarë më 28 maj, bashkë me krerë të tjerë të ISIS-it. Avionët luftarakë Su-34 dhe Su-35 kanë goditur në atë datë një këshill ushtarak të ISIS-it në jug të Rakkasë.
“Sipas informacionit të kontrolluar përmes kanaleve të ndryshme, udhëheqësi i ISIS-it, Ebu Bekr el-Bagdadi, i cili u vra si rezultat i sulmit, ishte i pranishëm në takim,” thotë njoftimi i Ministrisë ruse të Mbrojtjes.
Këshilli ushtarak i ISIS-it thuhet të jetë mbledhur për të diskutuar një plan daljeje nga Rakkaja për mes “korridorit jugor”, nënvizon Sputnik.
Edhe më herët ka patur lajme për vrasjen e el-Bagdadit, por që nuk janë konfirmuar më pas. /tesheshi.com/
