Karin Kneissl, gruaja në krye të diplomacisë së Vjenës, do të udhëtojë në Sllovaki, që është destinacioni i parë që kur ajo mori detyrën, dhe këtë udhëtim për në vendin fqinj ajo do ta bëjë me tren.
“Do të udhëtoj me linjën hekurudhore REX, e cila kushton dhjetë euro. Ky është treni me të cilin kam udhëtuar deri më tani nga Gramatneusied në Vjenë, me infermierët dhe studentët sllovakë”, u shpjegoi ministrja gazetarëve.
do të takohet me homologun e saj sllovak Miroslav Lajçak nesër në Bratislavë, i cili njëherësh është edhe kryetar i Asamblesë së Përgjithshme të OKB-së.
Ajo mohoi se vendimtare për përzgjidhjen e destinacionit të vizitës së parë, ishte fakti se Sllovakia është anëtare e grupit Vishegrad. “Kursimtar është edhe kancelari Sebastian Kurz, i cili vazhdon të udhëtojë në klasin ekonomik si edhe më parë kur ishte ministër”, tha ajo.
Kështu, Kurz do të vizitojë Francën dhe pastaj Gjermaninë, duke udhëtuar me aeroplan në klasin ekonomik. /tesheshi.com/
