Përfaqësuesi special i Bashkimit Evropian për dialogun ndërmjet Kosovës dhe Serbisë, Miroslav Lajçak, ka thënë se java e saponisur në Davos, ku do të mbahet Samiti i Forumit Ekonomik Botëror, do të jetë “dinamike” dhe shtoi se do të ketë takime të shumta bilaterale aty.
Duke përmbledhur javën e kaluar, Lajçak në një postim në Facebook ka thënë se në një takim me ambasadorët e vendeve anëtare të BE-së në Bruksel, ka theksuar se ka zhvillime pozitive në dialogun ndërmjet Serbisë dhe Kosovës, siç është heqja nga ana e Prishtinës e regjimit të afisheve në targat e automjeteve që vijnë nga Serbia, duke e vlerësuar si një hap pozitiv në zbatimin e Marrëveshjes për Normalizim.
Në faqen e Qeverisë së Kosovës është bërë e ditur se “heqja e këtij regjimi është akt i marrëdhënieve të mira fqinjësore” dhe se “vjen pas njohjes së plotë të targave të Republikës së Kosovës nga Serbia”.
“Progres i rëndësishëm është bërë edhe në zbatimin e Udhërrëfyesit për Energjinë”, ka shkruar Lajçak, duke aluduar për progresin drejt zbatimit të marrëveshjes për energji elektrike në katër komuna në veri të Kosovës.
Një seri krizash dhe tensionesh pasuan në veri, duke kulmuar me një aksion të një grupi paramilitar serb dhe një konflikt me policinë e Kosovës në fshatin Banjska të Kosovës veriore, kur u vranë një polic i Kosovës dhe tre anëtarë të një grupi serbësh të armatosur.
E paçcka zhvillimeve të fundit, ajo që ndodhi në Banjska ende përcjell tendosje politike, oasi Prishtina pretendon se Beogradi mund të tentojë sërish ta provojë destabilitetin në veri me anë të grupeve të armatosura. /tesheshi.com/
