Përfaqësuesi Special i BE-së për dialogun Prishtinë-Beograd, Miroslav Lajçak, tha se ishte i kënaqur me atë që ishte arritur deri më tani, por theksoi se procesi kishte një “rrugë të gjatë dhe të lakuar” për një zgjidhje.
“Dialogu është duke vazhduar, nën udhëheqjen e Bashkimit Evropian. Ne kemi një rrugë të gjatë dhe të trazuar përpara, jo një autostradë,” tha ai në një fjalim në Parlamentin Evropian dhe parlamentet e Ballkanit Perëndimor, në kuadër të një konferencë që shënonte 25-vjetorin e Marrëveshjes së Dejtonit.
Ai veçoi dialogun midis Kosovës dhe Serbisë dhe situatën në Bosnjë si “sfidat themelore në rajon”.
Lajçak theksoi se dialogu midis Kosovës dhe Serbisë është “baza e mandatit të tij” dhe se qëllimi është të arrihet “një marrëveshje gjithëpërfshirëse ligjërisht e detyrueshme për normalizimin e marrëdhënieve, e cila do të zgjidhë të gjitha çështjet e hapura njëherë e përgjithmonë, në përputhje me ligjet ndërkombëtare dhe vlerat evropiane”.
“Do të jetë thelbësore për rrugën evropiane të të dy palëve, stabilizimin e rajonit dhe do të zhbllokojë kaq shumë për të gjithë rajonin,” tha Lajçak.
Përfaqësuesi Special i BE thotë se ai është i kënaqur me rezultatet e dialogut të deritanishëm, nga rinisja e bisedimeve, përmes një marrëveshjeje mbi elementët kryesorë të një marrëveshje ligjërisht të detyrueshme, deri te “përparimi i plotë” mbi çështjet e humbura dhe të zhvendosura dhe bashkëpunimin ekonomik.
“Ne aktualisht po diskutojmë çështje të kërkesave të ndërsjellta dhe pronës,” tha ai. /tesheshi.com/
