Ministri i Jashtëm i Bashkimit Evropian Josep Borrell ka propozuar emërimin e Mirosllav Lajçak si të dërguarin special të BE në Ballkanin Perëndimor, por kjo ende nuk është konfirmuar zyrtarisht, tha të premten zëdhënësi i Komisionit Evropian.
“Përfaqësuesi i Lartë (për Politikën e Jashtme dhe Sigurinë) i informoi shtetet anëtare për këtë qëllim, por derisa shtetet anëtare të vendosin dhe aprovojnë emërimin, Përfaqësuesi i Lartë nuk është në gjendje ta konfirmojë zyrtarisht këtë”, tha zëdhënësi i Borrell, Peter Stano.
Sidoqoftë, Komisioneri i Zgjerimit Oliver Varhelyi tha në Pragë të enjten se zgjedhja e Mirosllav Lajçakut në atë post ishte një “zgjedhje e mirë”.
I pyetur se cila do të jetë detyra e të Dërguarit Special të BE-së për Ballkanin Perëndimor, Stano tha se fillimisht ai do të ishte një dialog midis Serbisë dhe Kosovës, por se detyra e tij do të ishte gjithashtu të promovonte vlerat evropiane në të gjithë rajonin, përkatësisht të ndihmonte vendet e Ballkanit Perëndimor gjatë rrugës për në Bashkimin Evropian.
Sllovaku Miroslav Lajccak është një diplomat karriere në Republikën Sllovake dhe aktualisht mban postin e Ministrit të Jashtëm.
Nga viti 2007 deri në 2009 ai ishte Përfaqësues i Lartë i bashkësisë ndërkombëtare në Bosnjë dhe Hercegovinë.
BE ka vendosur të emërojë një të dërguar të posaçëm për Ballkanin Perëndimor pasi Shtetet e Bashkuara i emëruan dy në rajon. /tesheshi.com/
