Një mesazh i fundit i të dërguarit Lajçak, ka ngjarë me një rivalitet herë të kamufluar e herë të hapur mes BE-së dhe SHBA-së mbi rolin në dialogun Prishtinë-Beograd.
Një ditë pas homologu i tij amerikan Richard Grenell shkroi se “kam folur me liderët në Serbi dhe Kosovë për ta bërë të qartë se ata duhet të fillojnë të krijojnë besim sot në përgatitje të tij dhe ata janë të përkushtuar për ta bërë këtë gjë”, ka ardhur një mesazh i Lajçakut ku potencohet fort roli i BE-së:
“Me Dialogun e udhëhequr nga BE, Kosova dhe Serbia kanë një platformë për t’u marrë me trashëgiminë e së kaluarës dhe për të ecur drejt një të ardhme më të mirë, më të sigurt dhe më të prosperuar për njerëzit e tyre, komunitetet dhe shoqëritë si pjesë e familjes sonë evropiane”, shkruan njeriu i përzgjedhur nga Brukseli për të qenë negociues mes Kosovës dhe Serbisë.
Megjithatë, më parë, Lajçak është shprehur se “Shtetet e Bashkuara të Amerikës dhe Bashkimi Evropian ndajnë agjendën e përbashkët për rajonin”.
Por duhet kujtuar se emërimi nga Brukseli i një të dërguari nga BE për dialogun, erdhi pasi Ushingtoni e ndërmorri këtë hap me emërimin e Richard Grenellit.
Për më tepër që para tij, emëroi dhe Mettheë Palmerin si të dërguar për rajonin. /tesheshi.com/
