Kryeministri Rama propozoi ndërtimin e lagjeve të reja për të mbeturit pastrehë nga tërmeti, duke i pagëzuar ato si “të Rilindjes”.
“Në pranverë duhet të jemi në kantier në lagjen e re të Durrësit, në Tiranë kur të zgjedhim nëse do të jenë dy apo një lagje. Një lagje e vetme do të ishte pranë Kasharit, në hapësirën kur është hapësira e një zone të re ekonomike.
Dy lagje do të ishin një në Kombinat tjetra te Uzina e Autotraktorëve në Shkozë dhe lagja e re në Laç. Në Laç të fillojë shembja e atyre pallateve që tani. Ndihmoni njerëzit të marrin ato që kanë brenda dhe pastrojini.
Në Tiranë dhe Durrës zonat e identifikuara janë hapësira shtetërore. Edhe në Kombinat të fillojë shembja e pallateve të tjera, që i kanë dhënë Shqipërisë shumë figura të njohura dhe qeverisë Erjon Braçen”, tha Rama në mbledhjen e mëngjesit të qeverisë. /tesheshi.com/
