Gjashtë muaj pas ngjarjeve të 9 dhe 10 majit në Lagjen e trimave në Kumanovë, familja Shabani është ndër të parat që ka arritur të përfundojë me rindërtimin e shtëpisë së shkatërruar gjatë atyre ngjarjeve.
Gëzimi ishte i pa përshkruar në këtë familje, pasi ata mbrëmë kaluan natën e parë në shtëpinë e re.
Gëzimin e tyre edhe më tepër e madhështoi edhe prezenca e rastësishme e grupit të deputeteve të Parlamentit të Shqipërisë që në orët e vona arritën për ta vizituar Lagjen e Trimave .
Me bujarinë tipike shqiptare, zonja e shtëpisë Sevxhanja , ftoi mysafirët nga Shqipëria që të hynë në shtëpi dhe së bashku ta ndajnë gëzimin.
Nuk munguan edhe përgëzimet dhe një uratë e shkurtër nga deputetja Melisa Doda.
“Ndryshe në lagje po punohet intensivisht në rindërtimin e rreth 68 shtëpive të shkatërruara gjatë ngajrjeve të 9 dhe 10 majit. Ndërtimi i tri shtëpive tashmë ka përfunduar dhe familjet e tyre tani më kanë hyrë në shtëpitë e reja, e mbase deri në fillim të dimrit do të përfundojë edhe ndonjë tjetër dhe do të jetë e gatshme për banim”, tha Melisa Doda Deputete e Parlamentit shqiptar.
