Xhelal Reçi, 60 vjeç, ish-polic, u ekzekutua këtë mëngjes në afërsi të një banke në qendër të Laçit. Ai njihet si pronar i një butiku dhe i një lokali në këtë qytet.
Më hëret, në 2020-ën, një atentat i bënë dhe të birit, Besnikut, teksa ishte me familjen në makinë, por që fati e shpëtoi atë, fëmijët dhe gruan.
Ende nuk dihet se për çfarë motivesh i është marrë jeta 60-vjeçarit dhe gjithashtu se pse do i merrej jeta të birit.
Kështu, në pak ditë, Kurbini tronditet nga një tjetër ngjarje e rëndë, pas asaj të grabitjes me tortura të një tjetër ish-polici, Naim Çangut, i cili merrej me dhënie parash me fajde. /tesheshi.com/
