Laçi, kryeqendra e Kurbinit, njihet si një qytet ku derrat ndihen si në shtëpinë e tyre. Por ndërsa kohët e fundit ata janë rralluar në rrugët e ish-qytetit industrial, vendin e tyre e kanë zënë qentë.
Shqetësimi qytetar për to është bërë aq i madh, sa janë ankuar dhe në bashki; dhe kjo e fundit ka lidhur marrëveshje me komisariatin e policisë për t’i dhënë zgjidhje problemit duke e klasifikuar tek çështjet e rendit publik.
Ish-qyteti i superfosfatit ka vuajtur ndër vite prej derrave në ambiente publike. Edhe pse kafshën e dhënë pas llucës dhe plehrave nëpër kazanë e kanë ndër të preferuarat për konsumin e mishit, si zonë me dominancë katolike, ata e kanë ndjerë si bezdisje bashkëjetesën në rrugë me to, ngjashëm si dhe me kafshë të tjera, lopë, kuaj apo gomerë.
E tashmë hall u janë bërë qentë, pasi dhe i kafshojnë. /tesheshi.com/
