I ardhur nga muzika në politikë si deputet, Labinot Tahiri, ndër këngëtarët më të njohur të tallavasë kosvare, ka dhënë vlerësime për ata që i konsideruar si “burra” të Kosovës, kryeministrin Haradinaj dhe ministrin e Jashtëm Pacolli, ku për këtë të fundit ka veçuar faktin se për Kosovën nuk kursen as avionin e tij privat.
Mesazhi i Labit, ngjan të jetë si një kundërpërgjigje e pavetëdijshme ndaj shkrimit telendisës të Mero Bazes për Pacollin, ku pikërisht analisti i Tiranës e shpotiste kreun e ri të diplomacisë së Prishtinës, edhe për përdorimin e avionit të tij privat si mjet joshjeje në politikë.
Ja ç’shkruan Labi pas takimit me kreun e ri të qeverisë kosovare:
“Vizita ime te njeriu që i besoj në Qeverisjen e tij të mirë për Shtetin tonë Kosova Z, Ramush Haradinaj.
Qeveria Haradinaj, do të ndryshoj gjendjen në vendin tonë.
Këta dy burra, dhe bashkpuntorët e tyre, kanë filluar punë intenzive për të ua mundesurë levizjen e lirë qytetarëve të Kosovës. Pra arritjen për Liberalizimin e Vizave dhe shumë procese për të cilat Kosova ka mbetur pak mbrapa..!
Është arritje e madhe për shtetin e Kosovës, kur ne kemi një Ministër të punëve të jashtme, Z Behgjet Pacolli, i cili mbrenda ditës arrinë ti realizojë takimet jashtë vendit për interesat e Republikes së Kosovës. Kjo po ndodh falë asaj që Behgjet Pacolli, posedon avionin e tij privat dhe nuk e kursen asnje minutë për të sjellur te mira në vendin tonë.
Unë besoj shumë se Z. Behgjet Pacolli, do ti sjellë akoma njohje të reja Republikës së Kosovës.
Besoj ne ju Burrështetas të Kosovës.
Me respekt, Labinot Tahiri Ferizaj Kosovë e Shqipërisë” (sic.), përfundon mesazhin e tij Labinot Tahiri, i shumëpëlqyer për lëvrimin e tallavasë, sidomos në dasma. /tesheshi.com/
