Deputeti i Kuvendit të Kosovës, Labinot Tahiri, përmes një postimi në rrjetet sociale ka shprehur shqetësimin se shumë prej politikanëve nuk i hapin telefonin dhe nuk i kthejnë përgjigje sms të tij.
“Ata që ma kishin nevojën deri dje, më thërrisnin e më shkruanin çdo ditë, kjo vlenë për disa nga bashkëpunëtorët politikë, sot as sms nuk po kthejnë, apo as telefonin nuk po e hapin”, ka shkruar Tahiri në Facebook, pa përmendur emra konkretë.
Në vijim ai shprehet se “nesër, nëse këta bashkëpunëtorë nuk do të kanë mundësinë që të komunikojnë apo takohen me mua, mos të me shajnë pas shpinës, por le të kujtojnë veprimet që i bëjnë me paramendim”.
Tahiri ishte një ndër deputetët më të përfolur, pasi koalicioni PAN kishte zhvilluar bisedime për të marrë votën e tij në Kuvend, për zgjedhjen e kryeparlamentarit dhe qeverisë. Megjithatë, Tahiri asnjëherë nuk ka votuar për koalicionin PAN. /tesheshi.com/
