Deputeti i AKR-së, Labinot Tahiri, ka reaguar pas debateve në seancën e sotme në Kuvendin e Kosovës.
Ai tha se e gjitha klasa politike duhet t´a dijë se me figurën e Ramush Haradinajt, nuk luhet dhe as nuk ndërrohen fjalët, atëherë kur i jepet ajo.
Për Haradinajn, Labi ka thënë se është vetë historia e Kosovës dhe ai do të punojë mirë për popullin, duke shtuar se ai ishte dhe do të mbetet hero.
Deputeti i AKR-së e ka siguruar Haradinajn se shumë shpejt do të bëhet mirë.
“Gjeneral, shumë shpejt do të bëhet mirë!. Ju e meritoni ta udhëhiqni vendin përballë atyre njerëzve që na e vodhën lirinë, që nuk na lanë ndër vite të shihnim dritën”, ka shkruar Tahiri në rrjet, duke paralajmëruar kështu votën pro PAN-it. /tesheshi.com/
