Ish-drejtori i RTSH-së, Thoma Gëllçi, ka dalë më në fund nga qelia, aty ku qnëdroi gati një vit nën akuzë për abuzime me detyrën.
Ish-gazetari i ZP-së së dikurshme akuzohej për një tender të vitit 2018 me fond prej 86 milionë lekë për blerjen e pajisjeve për kanalin RTSH Agro.
Vendimi për lirimin e tij është marrë nga GJKKO, e cila pranoi kërkesën e avokatit Dorian Matlia, i cili argumentoi i kanë mbaruar afatet e dënimit.
Ndërkohë, çështja ndaj tij do të zhvillohet në Gjykatën e Apelit ku ish-drejtori i RTSH-së kërkon pafajësinë.
Thoma Gëllçi u arrestua më 8 tetor gjatë një operacioni të SPAK në bashkëpunim me Policinë e Shtetit.
Ai drejtonte RTSH-në ndërkohë që familjen e ka në SHBA, madje dhe vetë jetonte atje, teksa një ditë u kthye në Tiranë për të drejtuar gjigandin radioteleviziv shtetëror.
Çuditërisht, ai u emëruar në atë detyrë pa qenë fare emër në qarkullim si i mundshëm për të drejtuar RTSH-në.
Përflitet se aty e çoi një njohje në rrethana amerikane me Olsi Ramën, ndërsa kur ra në rrjetën e drejtësië nuk e ndihmoi asnjë lloj njohje apo miqësie për t’i shpëtuar burgut, edhe fakti që vjen nga e majta. /tesheshi.com/
