Barcelona i merr me shumë qetësi tre pikët e radhës. Messi është futbollisti që bën gjithmonë diferencën në fushë, duke realizuar një tregolësh në sfidën me Granada-n. Braziliani Neymar ishte futbollisti tjetër që e shënoi emrin në regjistrin e golashënuesve, duke i ndihmuar kështu blaugranasit të marrin një fitore të thellë, 4-0, që i pozicionon për momentin në kreun e tabelës së kampionatit spanjoll.
Gjurmët që ka lënë Zinedine Zidane në “Santiago Bernabeu” janë të paharruara. Në të kaluarën e ka bërë
në fushë këtë gjë, e tani synon ta bëjë në kreun e stafit teknik të madrilenëve. Në takimin e tij të parë si trajner i Real Madrid-it, skuadra reagoi mjaft mirë, me një goleadë ndaj Deportivo La Coruna-s.
Gareth Bale dhe Karim Benzema qenë autorët e vetëm të golave në fitoren e thellë 5-0. Uellsiani shënoi tre prej golave, me dy të tjerët që mbajnë firmën e francezit. Rezultati i mbrëmshëm u ka dhënë të drejtë drejtuesve të klubit që vendosën ta zëvendësojnë Benitez-in me Zinedine Zidane-n. Së paku tani, si fillim. /tesheshi.com/
