Futbollisti legjendar japonez Kazuyoshi Miura në moshën 56-vjeçare do të vazhdojë karrierën e tij profesionale në radhët e divizionit të dytë portugez Oliveirense, raporton Reuters.
“Do të sigurohem që njerëzit të më shohin duke luajtur futbollin tim në një mjedis të ri”, tha “King Kazu”, i cili vjen në Portugali si huazim nga Yokohama, që ka të njëjtët pronarë si klubi i tij i ri.
Miura, i cili në fund të muajit mbush 56 vjeç, do të hyjë në sezonin e tij të 38-të të futbollit profesionist. Ai e filloi karrierën e tij jashtë vendit, sepse Japonia nuk kishte një ligë profesionale në atë kohë. Portugalia do të jetë vendi i gjashtë në të cilin do të luajë pasi ka luajtur në Brazil, Itali, Australi, Kroaci dhe Japoni.
Ai e nisi te Dinamo e Zagrebit në vitin 1999, duke bërë 12 paraqitje, ndërsa për kombëtaren japoneze ai bëri 89 paraqitje dhe shënoi 55 gola.
Ai e kaloi sezonin e kaluar si huazim në divizionin e katërt japonez Suzuka Point Getters, ku shënoi dy gola në 18 paraqitje. /tesheshi.com/
