Presidenti i Afrikës së Jugut Cyril Ramaphosa, ka rritur në mënyrë drastike numrin e grave të emëruara në kabinetin e tij, duke e çuar në 50 përqind. Kjo është diçka e pazakonshme, por mjaft e mirëpritur për ekonominë e dytë më të madhe të kontinentit.
“Për herë të parë në historinë e vendit tonë, gjysma e të gjithë ministrave janë gra”, tha kreu i vendit në një fjalim televiziv të mbajtur në kryeqytetin Johanesburg.
Ramaphosa tha se ai reduktoi numrin e ministrave burra në 28, nga 36 sa ishin fillimisht.
Ai gjithashtu ka kombinuar një numër postesh në përpjekje për të ulur shpenzimet, për të promovuar koherencë më të madhe dhe për të përmirësuar efikasitetin.
Ai tha se “i dha përparësi revitalizimit të ekonomisë përmes kujdesit më të madh në përdorimin e fondeve publike”. /tesheshi.com/
