I kërkuari nga drejtësia boshnjake, tashmë i arratisur, Milorad Dodik, pra kreu serb i Srpska-s, është ndodhet tashmë në Izrael dhe ka vizituar Kibbutz Beri, aty ku kolonë hebrenj janë ngulur në tokë palestineze duke zhvendosur dhunshëm banorët autoktonë palestinezë. Dodik pritet të marrë pjesë në një konferencë të diskutueshme mbi antisemitizmin në Jerusalem.
Në konferencë do të marrin pjesë disa qindra pjesëmarrës, shumica e të cilëve janë të djathtë radikalë nga Evropa dhe SHBA.
Pritja për zyrtarët po organizohet nga presidenti izraelit Isaac Herzog, ndërsa në seancën në fund do të flasë edhe kryeministri izraelit Benjamin Netanyahu.
Ministri izraelit për Diasporën dhe Luftën kundër Antisemitizmit Amichai Chikli i partisë Likud të kryeministrit Benjamin Netanyahu po pret konferencën. Folësit politikë të shpallur përfshijnë ideologë të krahut të djathtë, ultranacionalistë dhe neo-fashistë, kjo është arsyeja pse disa organizata hebraike vendosën të bojkotojnë tubimin.
Presidenti argjentinas Javier Miel është planifikuar gjithashtu të flasë në këtë ngjarje, ku do të marrë pjesë eurodeputetja Marion Maréchal, mbesa e themeluesit të Frontit Kombëtar, Jean-Marie Le Pen. Do të marrin pjesë gjithashtu përfaqësues nga Partia për Lirinë e liderit populist anti-islamik holandez Geert Wilders.
Duke e cilësuar çdo kundërshtim ndaj luftës gjenocidale të Izraelit në Gaza si antisemitizëm, qeveria izraelite po nxit gjithashtu retorikën anti-imigruese dhe islamofobike të ekstremit të djathtë, duke promovuar një imazh të Evropës të pushtuar nga muslimanët, duke folur për “antisemitizëm radikal islamik”. /tesheshi.com/
