Mbetjet e qytetit Aceredo në veriperëndim të Spanjës, i cili u zhyt 30 vjet më parë për shkak të thatësirës, dolën nga uji këtë verë për t’u bërë një atraksion turistik.
Qyteti u përmbyt nga ndërtimi i një dige në vitin 1992 dhe sot rrënojat e tij vizitohen nga turistë të shumtë.
Spanja është prekur nga thatësira këtë vit, ashtu si edhe pjesa tjetër e Evropës.
“Thatësira aktuale duket të jetë më e keqja në të paktën 500 vjet,” paralajmëroi raporti i përbashkët i kërkimit të Komisionit Evropian.
Sipas studimit, mungesa e reshjeve po ndikon në bujqësi dhe po rrit rrezikun e zjarreve në pyje, duke krijuar një “situatë shqetësuese” ku 64 për qind e territorit të Bashkimit Europian është nën paralajmërim apo alarm.
Për shkak të thatësirës, Komisioni Evropian parashikon 16, 15 dhe 12 për qind më pak rendimente të misrit, sojës dhe lulediellit në krahasim me mesataren pesëvjeçare. /tesheshi.com/
