Një personazh nga shoë biz-i shqiptar ka përfunduar nga vila në qeli, pasi në ballkonin e banesës ku qëndronte, në një ndër periferitë luksoze të Tiranës, iu gjet kanabis në vazo.
Fjala është për Enca Haxhiajn, personazhe që i bën media të famshëm dhe që po ashtu i mban media në famë.
Në njoftimin policor thuhet se “Shërbimet e Komisariatit të Policisë Nr. 1, në vijim të punës për goditjen e paligjshmërisë, pas informacioneve të siguruara nga inteligjenca policore, se një shtetase kishte kultivuar bimë narkotike, në ballkonin e banesës së saj, kanë organizuar dhe finalizuar operacionin policor të koduar ‘Balcony’.
Si rezultat i këtij operacioni u vu në pranga shtetasja R. H., 27 vjeçe, banuese në Lundër.
Gjatë kontrollit në banesën e 27-vjeçares, në ballkon, shërbimet e Policisë gjetën dhe sekuestruan në cilësinë e provës materiale, bimë të dyshuara narkotike kanabis, të kultivuara në vazo.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme”. /tesheshi.com/
