Edhe në dekadën e nëntë, libanez Tarik Abu Zahab nuk heq dorë nga dashuria e tij për çiklizmin.
Në rininë e tij ka marrë pjesë në gara me biçikleta në shumë vende të Europës dhe edhe sot në moshën 84-vjeçare vazhdon të pedalojë aktivisht pavarësisht viteve të avancuara.
Ebu Zahab e kalon pjesën më të madhe të kohës në dyqanin e biçikletave që hapi në vitin 1966 në Zarif, Bejrut.
Muret e dyqanit 57-vjeçar ku ai shet dhe riparon biçikleta janë mbushur me medalje që Abu Zahab fitoi në garat ndërkombëtare të çiklizmit ku ai mori pjesë në vende të ndryshme, veçanërisht në Evropë, midis viteve 1957 dhe 1975.
Nuk mungojnë as pjesët e shkrimeve të botuara në media të ndryshme në Evropë.
Ai lindi në Bejrut në vitin 1939.
“Babai im i bleu motrës sime një biçikletë për të shkuar në shkollë në vitin 1947. Unë isha 8 vjeç. Motra ime shkoi për të studiuar në Evropë dhe unë mora biçikletën e saj. Unë dhe vëllai im filluam të shkonim në shkollë me biçikletë në vitin 1952. Kështu u bë një mjet që e përdorja çdo ditë”, thotë Ebu Zahab.
Ai mori pjesë në garën e parë ndërkombëtare të biçikletave në vitin 1961 në Paris.
Mori pjesë edhe te “Gara e Paqes” e zhvilluar në Berlin në vitet 60-të.
Për shkak të pjesëmarrjes së tij në garat e biçikletave në Gjermani, Poloni dhe Republikën Çeke, emri i Abu Zahabit gjendet në një muze të quajtur “Friedensfahrt”, që do të thotë “Gara për Paqe”, në Kleinmuhlingen, Gjermani.
“Më bënë një nder të madh. Kështu vij çdo vit së bashku me shumë sportistë të vjetër”, ka shpjeguar Ebu Zahab.
Ai foli për kohët e kaluara me shumë emocione që nuk mund t’i fshihte as duke hapur dosjen blu pranë tavolinës së tij në dyqanin e tij që përmban pulla postare me foton e tij. Ato janë printuar në Gjermani në vitin 2014.
Pavarësisht moshës së tij të shtyrë dhe mungesës së infrastrukturës adekuate të çiklizmit në Liban, Abu Zahab nuk neglizhon të ngasë biçikletën e tij çdo fundjavë me familjen dhe miqtë e tij.
“Unë pedaloj 50 kilometra çdo fundjavë”, tha 84-vjeçari.
Ebu Zahab, i cili, si gjithë të tjerët në Liban, u ankua për bllokimin e trafikut, duke theksuar se veçanërisht çiklistët kanë shumë probleme në trafik. /tesheshi.com/
