Brian May, ish-kitaristi i grupit rock The Queen, do të thirret si këtej e tutje si Sir Brian May. Kjo pasi ai u shpall “Kalorës” nga Mbreti Charles.
Kitaristi, i dalluar për flokët e tij të gjatë kaçurrela, ndër të tjera u kujtua për këndimin e himnit “God Save the Queen” në taracën e Pallatit Buckingham me rastin e 50-vjetorit të mbretërimit të Mbretëreshës Elizabeth në 2002. Ai luajti sërish këtë vit në qershor me rastin e 70-vjetorit të mbretërimit të saj.
Një anëtar themelues i grupit legjendar The Queen, May u nderua për kontributin e tij në muzikë dhe punën humanitare.
Muzikant 75-vjeçar, astrofizikan i trajnuar, i angazhuar edhe në luftën për mirëqenien e kafshëve, ka konfirmuar për agjencinë AP se ka marrë titullin “Kalorës”, me ç’rast merr përsipër të bëj gjithçka që pritet nga ai titull: “Të luftojmë për drejtësi, për njerëzit që nuk kanë zë”.
“Ndoshta tani më shumë njerëz do të dëgjojnë atë që kam për të thënë se më parë, kur them Sir Brian May në telefon”, tha kitaristi i njohur.
Këtë vit, ishin gjithsej 1,107 persona në listën e nderit mbretëror, duke përfshirë 548 gra.
Nderimet mbretërore jepen dy herë në vit, në ditën e Vitit të Ri dhe me rastin e ditëlindjes zyrtare të monarkut, e cila festohet gjithmonë në qershor, pavarësisht nga data aktuale e lindjes.
Mbreti Charles lindi më 14 nëntor 1948. /tesheshi.com/
