Është inaguruar në Paris, hoteli i parë lundrues në Senë. I pagëzuar me emrin “Off Paris Seine”, hoteli me katër yje është ndërtuar në një platformë 650 tonëshe prej druri, zinku dhe xhami.
Përmban 58 dhoma dhe 4 suita, me pamje nga bregu i lumit, një pishinë dhe një tarracë. Çmimet për një natë variojnë nga 150 deri në 300 euro.
“Ky ndërtim është 100% francez dhe i shërben edhe turizmit në Paris, në një moment të veçantë për sektorin e hotelerisë’, ka thënë në një deklaratë për shtyp Christophe Sauvage, drejtor i përgjithshëm dhe themelues i “Elengencia hotels”, që bën pjesë në financuesit e këtij projekti “pak të çmendur” siç thotë ai. /tesheshi.com/
