Shtrëngon pupla, tund bishtin dhe tundet nën ritmin e muzikës, mbi shpinën e pronarit të tij të ri. Gucci është bërë tashmë një yll në internet, falë kërcimit të tij nga lumturia, për të falenderuar pronarin e ri, Kurter Barnett, i cili e ka shpëtuar nga keqtrajtimet dhe i ka gjetur një shtëpi të re ku mund të qëndrojë.
Videoja e papagallit që kërcen nën ritmet e këngës Baby të Justin Bieber dhe The Way You Want Me të Lucky Rose, me sa duket, u ka pëlqyer shumë fansave të tij në internet.
Në video duket papagalli, i cili kërcen për qejfin e vet dhe tund kokën përpara e pas, nën ritmin e muzikës, ndërsa Kurter këndon e qesh nga situata e krijuar. Shikojeni vetë këtë video të lezetshme. /tesheshi.com/
