Futbolli bolivian është në zi pas vdekjes së një lojtari të një klubi të kategorisë së dytë, si dhe të ish-presidentit dhe menaxherit të një skuadre tjetër, të gjithë nga COVID-19, duke qenë njëherësh njerëz të një gjaku.
25-vjeçari Deibert Frans Roman Guzman, humbi betejën me COVID-19, pas disa javësh që kaloi në spital.
Kjo humbje është edhe më e rëndë sepse babai i tij Belizario Roman, ish-president i klubit dhe xhaxhai i tij Luis Carmelo Roman, menaxher i Deportivo Perehike, gjithashtu ndërruan jetë nga COVID-19.
Të tre ishin nga qyteti i Beni, që është në mesin e atyre vendeve që patën pasojat më të mëdha të pandemisë.
Qyteti i Beni ka 420,000 banorë dhe më shumë se 1.200 të infektuar, ku 77 vdiqën. Sipas informacioneve të fundit, pak më pak se 8,500 raste infeksioni dhe rreth 300 vdekje janë regjistruar në Bolivi. /tesheshi.com/
