Emocionet kishin qenë shumë të forta për David Rantan, i cili u lirua pasi ishte dënuar me 23 vjet për një krim që nuk e kishte kryer.
Ranta ishte dënuar për vrasjen e një rabini në vitin 1990, por ai kishte deklaruar gjithmonë se ishte i pafajshëm. Para pak javësh, dëshmitari kryesor i akuzës (një djalë 13-vjeç në kohën e vrasjes) vendosi ta ‘hiqte këtë peshë të rëndë’. Kështu, ai tregoi se identifikimi i Ranta-s ishte ‘sugjeruar’ nga policia: ‘Më patën thënë të tregoja me gisht drejt atij që kishte hundën më të madhe: isha shumë i vogël për të kuptuar se çfarë po ndodhte.’
Policia dyshonte per Ranta-n (i droguar e i pa punë në atë kohë), por nuk kishin prova, prandaj kishin vendosur se ‘duhet’ të ishte ai fajtori. Kjo edhe për shkak të reagimi emotiv të komunitetit hebre në Brooklyn, i cili kërkonte drejtësi të shpejtë pasi viktima, Chaskel Werzberger, ishte shumë i njohur dhe i dashur nga të gjithë në atë zonë.
Por gëzimi i Ranta-s për fitimin e lirisë zgjati shumë pak: vetëm pak orë pasi kishte dalë nga burgu, ai u godit nga një infarkt: ‘Trauma e të qënit viktimë e një gabimi gjyqësor dhe emocionet e mëdha për lirimin e tij patën një impakt të fortë në shëndetin e tij,’ tregon avokat i tij.
Megjithatë, David Ranta arriti t’i mbijetonte infarktit. Ai është dëmshpërbyer nga qyteti i Nju Jorkut me 6.4 milion dollarë. /tesheshi.com/
