Nuk është hera e parë që dëgjojmë të flitet për derrkucët dhe ata të cilësohen si kafshë shoqëruese të njerëzve apo në nj farë mënyre, edhe si kafshë shtëpiake, duke zëvendësuar në shumë raste edhe qentë apo macet. Këto krijesa dinë të jenë shumë inteligjente dhe të ngrohta me njerëzit. Historia e Ziggy-t është me të vërtetë unike dhe e veçantë në botë.
Dy pronarët e kësaj kafshe e kanë adoptuar dhe e kanë pritur në shtëpinë e tyre, por për fat të keq, pas pak kohësh iu është dashur të braktisin banesën, të cilën e kishin vënë më parë në shitje, për shkak të disa borxheve që kishin.
Çifti nisi të kërkojë një shtëpi me qira, por nuk kishin arritur të gjenin një të tillë. Askush nuk pranonte t’u jepte shtëpinë me qira dy peronave, të cilët jetonin me një derrkuc.
Kështu ata vendosën të blinin një rulot dhe të jetonin duke udhëtuar. Falë mjetit të ri të transportit, çifti bashkë me kafshën e tyre të pandashme, Ziggy-n, kanë përjetuar shumë eksperienca e aventura të paharrueshme. Fotot e derrkucit, të cilat janë publikuar në internet, tashmë kanë arritur një sukses të madh. Derrkuci është shndërruar në një yll të vërtetë në rrjet.
Ky çift ka arritur të tregojë se si dashuria për kafshët mund të shkojë përtej gjithçkaje. “Nëse Ziggy ynë është i lumtur, edhe ne jemi të lumtur”,- kanë thënë pronarët e derrkucit. E si të mos i besosh ata?/tesheshi.com/
