Islamofobia në Francë, e cila ka arritur nivelin më të lartë të saj me ndalesën e burkinit, tashmë është shfaqur edhe në një restorant të Parisit.
Një grua muslimane me shami, e cila shkoi këtë të dielë që të drekonte në restorantin Le Cénacle në Paris, u detyrua të largohet nga aty, për arsye se u etiketua nga ana e kuzhinierit të restorantit si terroriste.
Kuzhinieri e kërcënoi gruan duke i thënë se “do të hedh helm kundër minjve në ushqimin tuaj nëse nuk largoheni nga restoranti”.
Video me incidentin, e regjistruar nga disa klientë në restorant, është postuar në mediat sociale.
Franca është duke përjetuar periudhën më islamofobike në historinë e saj. Debatet mbi këtë çështje janë intensifikuar pas qarkullimit të fotove në internet gjatë javës së kaluar në të cilën shihet një grua e rrethuar nga katër policë, të cilën e detyrojnë ta heqë rrobën e saj me mëngë të gjata në një plazh në Nice.
Nice, qyetit i cili është në gatishmëri të lartë pas një sulmi vdekjeprurës terrorist gjatë festimeve të Ditës së Bastijës në muajin korrik, është një nga qytetet bregdetare në Francën jugore në të cilin ndalesa e burkinit është akoma në fuqi, edhe pas vendimit të gjykatës së lartë franceze për pezullimin e tij. /tesheshi.com/
